LAOAG CITY – Nairugin ti implemenyaston ti Oplan Tokhang ti Philippine National Police ita nga aldaw.
Segun kenni Police Supt. Jose Melencio Nartatez Jr., provincial director ti Police Provincial Office, nasurok 20 a personalidad ti subject para ti Oplan Tokhang iti daytoy nga aldaw ken manayunan pay.
Kuna na nga adda metten ti nasurok 50 a drug surenderer manipud idi Disyembre 15, 2017 ken agtultuloy a mamonmonitor dagitoy.
Inbatad ni Nartatez a dagiti 50 a surenderer ti pagsalsaludsodan da no sadinno ti pakagatgatangan da ti iligal a druga wenno siasinno ti pangilaklakwan da.
Inlawlawag na a babaen ti testimonya dagiti simmuko ket isu ti maivalidate rason a manayunan ti bilang dagiti subject para ti Oplan Tokhang.
Innayon ni Nartatez a bisitaen da lattan dagiti maseknan iti pagtaengan da ken masapul nga adda iti imatang dagiti opisyal ti barangay, munisipyo wenno probinsya, BADAC, media, non-government organization ken dagiti miembro ti sektor ti relihiyon.