LAOAG CITY – Bassit laeng dagiti napan nakisimba iti St. Willian Cathedral ditoy ciudad ti Laoag itay bigat.
Segun kadagiti pulis a nakabantay iti nasao a simbaan, iti umuna a misa ket awan pay ti 80 a tattao dagiti napan nakimisa idinto a ti maikadwa a misa ket nasurok laeng a 100.
Nupay kasta, mamati dagiti otoridad nga awan ti pakainaigan na ti alert memo ti kinabassit dagiti napan nakimisa.
Possible a gapu ti panagtudtudo na ket masulit dagiti dadduma a napan nakimisa.
Naamoan a gapu ti alert memo ket adda pay dagiti kameng ti SWAT ken K9 dogs a naiwaras iti simbaan, malaksid kadagiti kameng ti pulisya ditoy ciudad ti Laoag.
Kabayatanna, inbatad met ni Police Major Artemio Clemente, ti chief of police iti ili a Badoc a saan nga apektado dagiti residente iti nadakamat nga ili iti agwarwaras nga alert memo.
Daytoy ket gapu ta basar iti obserbasyon da ket awan ti nagbaliwan dagiti napan nakimisa kadagiti simbaan iti ili a Badoc itay bigat.
Inlawlawag na a gapu iti alert memo ket ad-adda pay a pinaigetan da ti nagbantay kadagiti simbaan ken dadduma a pampubliko a lugar.
Kabayatanna, inbalakad manen ni Clemente kadagiti umili a saan a rumbeng nga agpanic gapu ta saan a matmaturong ti nailian a pulisya nga agbantay ken mangipaay ti seguridad.
