LAOAG CITY – Napapintas dagiti protocol a maipatpatungpal iti border control iti ili ti Badoc kalpasan a naiparuk-at ti baro nga executive order ni Gov. Matthew Marcos Manotoc.
Daytoy ti inbatad ni Police Captain Joseph Tayaban, hepe ti PNP Badoc.
Kuna na a para kadagiti rumwar ditoy probinsya nga addaan ti travel pass ket matatakan ken maisurat ti oras ti panagruwar da, pagturongan da a lugar, ken dadduma pay.
Inbatad ni Tayaban a naigiget ti panangmonitor da kadagiti pay sumrek ditoy probinsya kangrunaan kadagiti cargo truck a masansan iti panagsukat da ti pahinante.
Mainaig iti daytoy, maikkan pay ti pass kadagiti awanan ti travel authority.
Segun kenni Tayaban, manipud iti immuna nga executive order 78-20 ken iti naiparuk-at nga EO 84-20 ket adda da laeng nainayun.
Nagtainaed a maipawil para kadagiti umay agpasyar ditoy probinsya agraman dagiti saan nga otoridado a sumrek ditoy probinsya.
Kabayatanna, nagtalinaed nga 48 nga oras iti kapaot dagiti Authorized Person Outside Residence wenno “APOR outside Ilocos Norte” a sumrek ditoy probinsya idinto a dagiti rumwar nga APOR ket awan ti natuding nga oras na.
No bilang aglabes iti 48 nga oras a nagtalinaed ti APOR ket maipadalan da iti quarantine.
Kadagiti addaan ti travel authority a rumwar ditoy probinsya ket maikkan da ti 20 nga oras a panagbiyahe no agturonga kadagiti lugar sakbay iti Manila idinto a 30 nga oras no agturong da mismo it Metro Manila.
