LAOAG CITY – Kinumpirmaran ni Barangay Chairman Elviro Agoo iti Barangay Davila, Pasuquin, Ilocos Norte a kalugaran da ni Naty Retota, ti baket a natay kalpasan a maipagarop a nadungpar ti motorsiklo.
Inbatad ni Agoo a ti ammo dagiti annak ti biktima ket adda daytoy idiay Ilocos Sur.
Nupay kasta, iti indiskribar da ti arwaten ti baket ket nagturong a dagus ti pamilya na iti ospital ket ditoy a binigbig da ti nasao a baket.
Saan a nakumpirmaran ti kapitan no kasanu ti pannakadungpar ti baket iti kalsada, ngem mabalin a lumasat daytoy.
Immunan a nairakurak a ti baket ket kinalubbon ti nangiturong ti motorsiklo a karaman met a pimmusay iti napasamak nga insidente.
Nabigbig ti nangiturong ti motorsiklo a ni Roger Ocampo, backhoe operator, ken residente iti Barangay Pasaleng idiay ili ti Pagudpud.
Kabayatanna, inbatad ni Police Staff Sargeant Eric Macadangdang iti PNP iti ili a Pasuquin a ti agnagan iti Renato a taga Barangay Davila ti nasao nga ili ti nangibaga kadakuada a naglubbon dagiti natay a biktima.
Inlawlawag na nga agtultuloy iti imbestigasyon da ken mangkitkita da no adda ti sabali a nakakita iti testigo a makaibaga a ti nangiturong ti motorsiklo a ni Ocampo ket nadungpar na ni Retota.
Kuna ni Macadangdang nga iti panagimbestigar da ket rumrumuar a napardas ti taray ti motorsiklo nga inturong ni Ocampo.
Innayon na nga awan ti nakita da a senyales a nagludludon iti motorsiklo dagiti nasao a biktima.
