LAOAG CITY – Saan a ti manarimaan a matartarimaan sumagmamano a paset ti bantay iti Barangay Pancian iti ili ti Pagudpud ti makaigapu iti napasamak a landslide iti nadakamat a lugar.
Daytoy ti inbatad ni Engr. Ma. Venus Torio, ti District Engineer iti Department of Public Works and Highways (DPWH) iti umuna a distrito ditoy probinsya.
Inlawlawag ni Torio a siguden a pakapaspasamakan ti landslide ti nasao a paset ti lugar gapu ta awan pay ti makaibil a gravity wall.
Inbaga na a dagiti dadduma a paset ti bantay iti nasao nga ili ket manarimaanen ti pannakaipan ti gravity wall na gapu ta isu paylaeng ti nailatangan ti pondo.
Mangnamnama ni Torio nga iti sumaruno a tawen ket addan ton ti mailatang a pondo para iti pannakaikabil ti gravity wall iti pakapaspasamakan ti landslide a paset ti nadakamat a barangay.
