LAOAG CITY – Mamati ni Fire Senior Inspector Edison Reyes, City Fire Marshal ti Bureau of Fire Protection ditoy siudad ti Laoag a posible a dagiti met laeng agiwaywayway ti tarakenda a dingwen ti akin-aramid ti napasamak nga uram iti kapanagan iti Barangay Talingaan ditoy siudad iti kallabes.
Nupay kasta, inbatadna nga awan pay ti naduktalanda nga adda iti likudan ti nasao nga insidente.
Inlawlawagna a basar iti imbestigasionda ket mabalin a pinuoranda dagiti ruot gapu iti pammatida a napinpintas manen ti maminsan manen a panagtubona daytoy.
Kunana nga addan ti pannakikoordinarna kadagiti maseknan tapno maipakaammo ken maballaagan dagitoy iti panagpuor kadagiti kapanagan tapno maliklikan nga adda ti mapasamak nga uram.
