LAOAG CITY – Inpaganetget ni Senador Sherwin Gatchalian nga agserbi a ballaag kadagiti mangabuso iti bileg ti napasaran dagiti karaman iti iligal a Philippine Offshore Gaming Operators hub idiay Porac, Pampanga.
Daytoy ket kalpasan a kinasoanen ti Department of Justice ti kaso nga human trafficking dagiti karaman iti Philippine Offshore Gaming Operators iti Porac nga isuda Atty. Harry Roque, Cassandra Li Ong ken dadduma pay.
Inbatad ni Gatchalian nga agserbi daytoy a ballaag iti asinoman a mangabuso iti bileg ken dagiti aglabsing iti linteg ket mapagsungbat aniaman ti impluwensia, posision wenno bileg dagitoy.
Inlawlawagna a welcome development daytoy gapu ta mangipasimudaag ti napigsa a commitment ti gobierno nga ilungalong ti hustisia.
Inpasigurado ni Gatchalian nga agtultuloy ti panangbantayda ti taray dagiti kasao nga adda ti pakainaiganna kadagiti krimen iti Philippine Offshore Gaming Operators ken saanda nga agsardeng agingga a saan a mapasungbat dagiti amin a karaman iti daytoy.
