LAOAG CITY – Inlawlawag ni Mr. Vic Dabalos, PENRO officer ti Ilocos Norte a saan laeng a ti Bolo River iti ili a Bangui ti naisayangkatan ti aerial inspection kadua na ni DENR Sec. Roy Cimatu.
Kuna na nga intero nga ili ti Bangui ti ininspeksyon da agraman dagiti pagmulaan ken dalan a maiyannatup iti greening program iti kabanbantayan iti nasao nga ili.
Mainaig iti daytoy, inpakaammo ni Dabalos a nakita da a manarimaan ti panagquarry manen iti pinasardeng da idi Sabado iti Bolo River.
Nagkomento ni Cimatu a masapul a makita da daytoy gapu ta adda dagiti linteg ti panagquarry.
Segun kenni Dabalos, gapu ta nagsalunagsing ti maseknan idi Sabado ken intultuloy na ti iligal a panagquarry idi kalman ket maikkan da ti notice of violation
Innayon ni Dabalos nga agtinnulong da kenni Mayor Fidel Cimatu tapno mapasardeng dagiti maseknan a nagisayangkat ti iligal a panagquarry.
