LAOAG CITY – Naidulinen ti bangkay ni Vice Mayor Michael Fariñas ti ciudad ti laoag kalpasan ti nasurok a makalawas a pannakaimansayag na ken kalapsan iti daydi nakam-ames a pannakadisgrasya na.
Pasado ala una itay laeng a mairwar ti bangkay ti Vice Mayor iti mismo a pagtaengan da iti Bgy. Vira.
Saan met nga inkankano dagiti nakipamonpon ti awan sarday a panagtudo nbayat a nakarwaat dagitoy iti puraw.
Malaksid kadagiti simmurot iti pamonpon ket narway pay dagiti nagur-uray iti igid ti kalsada.
Kas ninamnama, nailabas ti bangkay ti Vice mayor iti Laoag City General Hospital a “pet project” na idi ta daytoy ti Mayor.
Nagserbi ni Bishop Renato Mayugba ti Diocese of Laoag a nagmisa iti St. William Cathedral.
Ni Jaime Fariñas, inauna nga anak ti pimmusay nga opisyal ti nangibaet ti paamilya a no sadinno a nagyaman daytoy kadagiti nakipagrikna iti pamilya da idi kapaspasamak ti aksidente agingga a naimasayag ken inggana a naitabon.
Naitabon ti bangkay ti Vice Mayor iti Maharlika Memorial Garden iti Bgy. 1 iti ciudad ti laoag.
Maipalagip a pimmusay ti Bise Mayor kalpasan a naaksidente na ti bagbagi na bayat nga inturong na Mercedez Benz iti by pass road ti laoag kadua na ti budyguard a ni SPO2 Melchor Geronimo ngem saan a napakarwan.
