LAOAG CITY – Napinpintas nga agpartuat ti produkto nga awan ti kapadana wenno naidumduma iti sabali.
Daytoy ti inpakaammo ni Ms. Susan Pajarillo, maysa kadagiti aglaklako ti nagduduma a merienda iti kalsada ditoy siudad ti Laoag.
Segun kenkuana, ti jumbo siomai ket dakkel ti impact-na kadagiti kustomer gapu ta makita dagitoy a sabsabali ti kita ken raman ti ilaklakoda a produkto.
Inbatadna a swak pay daytoy iti bulsa iti publiko isu nga aniaman ti estado iti panagbiag ket kabaelanda ti gumatang nangruna ket naimas ti raman ti ididiayada a produkto.
Inlawlawagna a ti dakkel a karit kadakuada ket ti panangpatalinaed iti negosioda a nadur-as ngem masapol nga agbalin latta a natibker aniaman ti pannubok ti sumangbay iti negosioda.
Innayonna a ti panagbalin a maysa a negosiante ket masapol a natiweng ti utek tapno makapanunot ti ad-adu pay a mabalin a maidiaya wenno mailako kadagiti kustomer a biruk-birokenda.
