LAOAG CITY – Napinpintas pay laeng ti daan a kalsada a natubtub ngem ti maipatpatungpal.
Daytoy ti inbatad ni Barangay Chairman Agustin Tamayo iti Brgy. 17 San Felipe iti ili a Sarrat seknan ti reklamo ti kalsada.
Kuna na a saan a napintas ti pannakasemento ti baro a kalsada da babaen ti kontraktor.
Segun kenni Tamayo, adda pay ti saan a napintas ti pannakasimpa na kas iti saan a naisilpo a kalsada gapu ta addan ti nadesgrasya.
Innayon ni Tamayo nga agpurpur ti nasemento a kalsada da.
Kinumpirmaran na a binakbak ti kontraktor ti paset ti kalsada ken tallo a lawas a tinalawan da.
Segun kenni Tamayo, plano da idin nga iyuman ti problema iti maseknan nga ahensya ti gobyerno ngem saan na a kayat masaktan ti rikna ti kontraktor.
Ti laeng pagam-amkan ni Tamayo ket ti nasurok maysa a metro a kawaw a paset ti kalsada a posible a makagapu ti desgrasya.