LAOAG CITY – Mangnamnama ni Mr. Emilio Perucho, mangngalap ken mannalon ditoy probinsya a mangipaay kadagiti programa ni Presidente Ferdinand “Bongbong” Marcos Jr. a makatulong kadakuada a mangngalap ken mannalon iti intero a pagilyan.
Inbatad ni Perucho a mabalin met a mangipaay ti Livelihood programs ti presidente kas ti pannakaipaay kadakuada ti nagduduma a klase ti ikan a mabalin da a taraknen.
Kuna na a no ad-ado ti taraknen da nga ikan ket dakkel tulong daytoy tapno ad-ado ti suplay a magatang iti pagtagilakoan.
Kabayatanna, no pakaseknan met iti agrikultura ket nalawag a sipud kinaubing ti presidente ket addan iti puso na iti agrikultura isut gapuna a mangnamnama da a maikkan da ti napintas a biag iti biang ti panagtalon.
Innayon na a ti napintas a masakbayan da a mangngalap ken mannalon ket agpannuray iti naurnus a panangidaulo ni Presidente Marcos.
