LAOAG CITY – Napintas ti makikappeng iti Fraternity wenno sorority no suruten dagiti nailanad iti paglintegan.
Daytoy ti inbatad ni Mr. Romeo Villorente, retired teacher ken dati a miembro iti fraternity a Samahang Ilocano (SI) ditoy probinsya.
Inlawlawag ni Villorente a ti Fraternity wenno sorority ket nabukel para iti maaw-awagan ti sisterhood wenno brotherhood.
Nupay kasta, inbatad na a ti obserbasyon na ket adon dagiti opisyal iti fraternity wenno sorority a manglablabsing iti paglintegan ti organisasyon.
Inyarig ni Villorente nga idi panawen da ket saan pay a makastrek iti organisasyon no nababa ti grado, masapol a nasingpet, natulong iti pada a tao ken saan a delingkwente.
Inpalgak ni Villorente a ti maob-obserbaran na iti agdama ket arigna kaadoan kadagiti sumsumrek iti organsasyon ket dagiti adda problema na iti pamilya, pagadalan ken dagiti adda ti pannakainaig na iti illegal a droga ken dadduma pay.
