LAOAG CITY – Dinayaw ni NAPOLCOM Commissioner Zenonida F. Brosas, ti functional supervisor ti Region 1 dagiti kameng ti PNP ditoy Ilocos Norte.
Segun kenni Brosas, nasisingpet dagiti pulis ditoy probinsya gapu ta awan iti nakitana nga anyaman a kaso da ken napintas ti pannakilangen-langen da kadagiti umili.
Immunan a naginspeksyon ni Brosas kadagiti nagduduma a Municipal Police Station ditoy probinsya tapno maipakaammo dagiti pulis ti “concerns” da wenno anyaman a problema da.
Inbatad ni Brosas a gagem ti Community and Service-Oriented Policing System (CSOP System) tapno mapatibker ti kapabilidad dagiti pulis ken maikkan ti importansya ti anyaman a parikot dagiti kameng ti PNP para iti napinpintas pay a serbisyo.
Sinaludsod pay ni Brosas dagiti pulis no anya dagiti ar-aramiden da nga addang tapno mapagtalinaed da iti napintas a serbisyo da ditoy probinsya ken matulungan da dagiti dadduma pay a kameng ti PNP nga addaan ti kaso.
Insungbat met dagiti pulis kenni Brosas a nasken ti tranings ken spiritual counseling ti tunggal maysa.
