LAOAG CITY – Inbatad ni Mr. Chris Givenchi Edejer, composer ti kanta a Hangga’t Ako’y Nabubuhay ken maysa kadagiti napili a 12 Finalists iti Bombo Music Festival (BMF) a ti inaramid na a kanta ket para ti asawa na.
Inlawlawag na nga inaramid na pay laeng ti nasao a kanta, addan tallo a tawen ti napalabas ken sakbay iti maika-8-year anniversary da ti asawa na.
Segun ken ni Edejer, nagbalin nga inspirasyon na iti inaramid na a kanta ket ti saanto pulos nga agbaliw a panagayat na iti asawa na.
Innayon na a paborito pay daytoy ti asawa na ken nakaragragsak idi naamoan na a napili a maysa kadagiti 12 finalists iti Bombo Music Festival.
Inadmitir na nga hilig na ti agaramid ti kanta ken addan dagiti nakiparpartisiparan na a song competition, ken napadasan na metten ti nangab-abak.
Ni Mr. Chris Givenchi Edejer ket taga 3rd Avenue, Margarita Village, Bahada, Davao City.
