LAOAG CITY – Agtultuloy ti imbestigasyon ti PNP San Nicolas kalpasan a nabirokan ti abandonar a kotse ken nakaparking iti maikadua a kadsaaran iti parking area ti dakkel a mall iti nasao nga ili.
Ti kotse ket addaan ti plate number WSO 660, maysa Toyota Vios ken nagmaris iti gray silver.
Segun kenni Police Major Joseph Baltazar, hepe ti PNP San Nicolas, itay napan a tawen pay laeng a nagpukaw ti kotse ken ita laeng a nakita dagiti agtagikua rason a dagus nga inreport da iti PNP.
Nakikoordinar dagiti otoridad iti management ti dakkel a mall para kadagiti CCTV footages nangruna iti nakabirokan ti kotse.
Kuna ni Baltazar nga adda ti naala da nga ID iti uneg ti kotse ngem manarimaan pay laeng iti panangberipikar da ti kinatao na daytoy.
Nagkedked ti hepe nga inaganan iti akinkukua ti ID gapu ta manarimaan pay laeng ti imbestigasyon da.
Innayon na a possible a mapilaan ti suspek iti kaso a carnapping ken dadduma pay.
