LAOAG CITY – Naikeddeng ni Narendra Modi nga agbalin a Prime Minister idiay India para iti maikatlo a termino na.
Daytoy ket kalpasan nga addan ti paglawlawagan ti resulta ti eleksyon a mangipakpakita nga isuna ti nangabak.
Nakaukkon ti naan-anay a suporta ni Modi kalpasan ti pannakitaripnong na iti National Democratic Alliance (NDA).
Saan a ninamnama ti agtawen ti 73 a ni Modi a nangnamnama laeng iti bassit a partido ti National Democratic Alliance tapno magun-od ti parliamentary majority kalpasan a ti bukod na a partido ket nagkurang iti 272 tapno makabukel ti sumaruno a gobierno.
Nupay kasta, ti oposisyon a nangabak ti 232 seats ket saan pay a pormal a nag-concede.
Gapu iti daytoy, mangiyuswat ti taripnong ni Modi iti ciudad ti Delhi tapno pagsasaritaan da ti sumaruno nga addang da.
Manamnama met nga agsapata ni Modi para iti maikatlo a termino na iti maudi a paset ita a lawas.
