LAOAG CITY – Inpakaammo ni Atty. Joel Ines, ti mangidadaulo ti Commission on Elections (COMELEC) ditoy probinsya ti Ilocos Norte a narigrigat a madeterminar ti vote buying nu maaramat babaen iti e-wallet nu ikompara iti personal a transaksyon.
Segun ken ni Ines, nu ti e-wallet wenno ti electronic transaction ket saan a dagus a madeterminar ti adda iti likudan ti transaksyon.
Inbatad na a nu personal a maiyawat ti bayad ti butos ket al-alisto laeng a maamoan gapu ta mabalin a mamonitor ken maaktuan ti ebidensya.
Inlawlawag na a nu awan ti agidatag ti ebidensya iti pannakausar ti e-wallet para iti vote buying ket narigat nga adda ti mapilaan ti reklamo.
Nu pay kasta, inpalgak ni Ines a laketdi adda ti dumatag a mangipakita ti pammaneknek iti transaksyon nga adda ti pakainaigan ti vote buying ket dita a mabalin a mapilaan ti reklamo dagiti maseknan.
