LAOAG CITY – Narisgo ngem nakapatpateg ti akem ti Barangay Anti-Drug Abuse Council (BDAC) iti panangparmek ken pananglaban iti illegal a droga.
Daytoy ti inbatad ni Agent Mariepe de Guzman, ti Public Information Officer iti Philippine Drug Enforcement Agency (PDEA) – Region 1.
Inlawlawag ni de Guzman a dagiti opisyal iti barangay ti umuna a makaammo kadagiti mapaspasamak iti masakupan da a barangay ken no siasinno dagiti possible nga adda ti ar-aramiden na nga illegal nga aktibidad ken krimen gapu ta isuda iti frontliner.
Kuna na a kaadoan kadagiti operasyon da ket aggapo dagiti impormasyon manipod iti barangay.
Innayon na nga uray iti rehabilitation efforts ti ahensya para kadagiti pushers ken users ket dakkel ti akem ti Barangay Anti-Drug Abuse Council para iti komunidad tapno agbalin a drug cleared ti barangay da.
Ti Barangay Anti-Drug Abuse Council ket bukbuklen ti chairperson wenno ti Barangay Chairman, vice chairperson babaen iti maysa a kagawad ken dagiti miembro ket pakairamanan ti school principal, barangay kagawad, chief tanud, ken dadduma nga organisayon no sadinno a ti agserbi nga adviser da ket ti chief of police iti pakaibilangan da nga ili wenno ciudad.
