LAOAG CITY – Inpetteng ni dati a Bayan Muna Rep. Neri Colmenares nga awan ti makita na a rason tapno maipaayan ti subpoena power ti Philippine National Police (PNP).
Iti eksklusibo nga interview iti Bombo Radyo Laoag ken ni Colmenares, inlawlawag na a ti rason dagiti maseknan ket ado dagiti testigo kadagiti napaspasamak a krimen ditoy pagilyan a maipagarop a saan a maki-kokooperar.
Inbatad ni Colmenares nga ado dagiti testigo dagiti mapaspasamak a krimen ditoy pagilyan a saanna a kayat ti makikooperar gapu ta saan a maipasingked dagiti pulis ken gobierno ti seguridad da.
Inkalintegan pay ti dati a kongresista nga adda ti training ken equipment dagiti nailian a pulisya ken masapol nga agimbestigar da.
Mainaig ti datoy, inlawlawag pay ni Colmenares nga ado dagiti risgo ti pannakaipaay ti subpoena power iti PNP.
Segun kenkuana, no bilang paayaban ti PNP iti kampo da ti maysa a tao ken saan a mapan ket mabalin da a pilaan ti reklamo ken ibalud da.
Malaksid ti daytoy, mabalin pay nga usaren ti PNP ti bileg da no adda ti kagurgura wenno karirriri da, ken possible a agresulta pay ti korapsyon
