LAOAG CITY – Inbutaktak ti mangidadaulo iti Civil Security Unit a ni Ruben Anastacio Patricio nga ado dagiti perdi a Closed-circuit television (CCTV) iti Laoag City Public Market and Commercial Complex ditoy ciudad ti Laoag.
Inbatad na a naduktalan da daytoy kabayatan ti papanda panaginspeksyon iti merkado publiko ditoy ciudad.
Gapu iti daytoy, inbilin na iti mangidadulo iti merkado publiko a masapol a patarimaan da dagiti naperdi a Closed-circuit television (CCTV) gapu ta dakkel ti maitulong na no adda dagiti mapasamak a panagtatakaw iti lugar.
Immuna iti daytoy, adda ti maysa nga aglaklako iti merkado publiko a nangidanun iti Bombo Radyo Laoag a napukaw ti tagilako na nga agbalor iti 20 ribo a pisos no sadinno a kalikagom na koma a pa-review iti Closed-circuit television (CCTV) ngem naduktalan da a perdi ti nakainstular iti lugar.
Inpakaammo ni Patricio nga iti baet nga awan ti naidanun a report iti opisina seknan iti daytoy a banag ket minandar na dagiti personnel da nga imbestigaren da ti nasao a napasamak.
