LAOAG CITY – Linagip dagiti fans ni NBA star Kobe Bryant ken ti anakna a ni Gianna ti maikalima a tawen ti pannakatayda.
Maipalagip nga idi Enero 26, 2020 idi nagsuek ti helicopter a nagluganan dagiti agama kaduada ti innem a dadduma pay nga agturong idiay Thousan Oaks para iti basketball practice.
Kinasoan ti asawa daytoy a ni Vanessa Bryant dagiti imbestigador ti kaso gapu iti panangiwaras ti bidyu ken ladawan iti crash site a saanda nga inpakaammo kenkuana.
Gapu iti daytoy, nagballigi isuna iti kaso manipud iti LA County idi 2023 ken binayadanda isuna ti agarup $30-milyon.
Nangipasdek dagiti fans ti rebulto ti dua iti lugar mismo a nagsuekan ti helicopter.
Naikeddeng nga iruar ni Vanessa ti baro libro nga isagutna iti asawa ken anakna inton Agosto 19.
Naammoan a ni Kobe ket agtawen ti 41 ken ni Gigi ket agtawen ti 13 idi napasamak ti desgrasia.
Iti uneg ti 20 a basketball career ket nagbalin nga 18-time All-Star ni Bryant, 15-time All-NBA honoree, 5-time NBA Champion ken 2007-2008 NBA Most Valuable Player.
