LAOAG CITY – Inbatad ni Dr. Shirly Agrupis, Presidente iti Mariano Marcos State University (MMSU) nga ado dagiti foreign investors nga interesado ti black garlic a patpatanuren ti nasao nga unibersidad.
Nupay kasta, inlawlawag ni Agrupis a saan da paylaeng a kabaelan ti agpatanur ti ado a black garlic iti baet nga ado dagiti mayat nga agorder.
Kunana nga iti agdama ket prayoridad da dagiti local enterprises a pagibunungan kadagiti mapatanur da a black garlic.
Ti black garlic ket maysa a food elevation a naaramid babaen ti heat and temperature a makaipaay ti ado a benepisyo para iti salun-at ti maysa a tao.
Maipalagip a ti nasao nga inobasyon ket nagbibinnuligan ti Department of Science and Technology, Bauertek ken Mariano Marcos State University.
