LAOAG CITY – Naruay a pagilian ti nagpanawagan iti Israel a saanda nga iraman dagiti United Nations Interim Force (UNIFIL) a nakaidestino idiay Southern Lebanon.
Ti insidente ket kageddan ti napasamak iti kallabes no sadinno a dua a miembro ti United Nations Interim Force ti nasugatan.
Iti rakurak ti foreign ministry ti Sri Lanka a ti panangraot ti Israel defense forces iti United Nations Interim Force headquarters idiay Naqoura, southern Lebanon ket nangitunda ti pannakasugat dagiti dua a Sri Lankan a miembro ti United Nations Interim Force.
Kinondenar ni United Nation Secretary General Antonio Guterres ti ar-aramiden a panangiraman ti Israel kadagiti peace keeping forces ti United Nations.
Nagpanawagan daytoy a nasken nga irespetar ti Israel ti trabaho ti United Nations.
