LAOAG CITY – Agduduma ti nagbalin a reaksyon dagiti residente ditoy probinsya mainaig ti panangaprubar ti senado ti pannakaitantan ti Barangay at SK Elections a maisayangkat koma intono 2020.
Adda dagiti mangpabor ngem adda met latta dagiti mangkontra iti pannakaitantan ti eleksyon.
Kadagiti mensahe a naidanun ditoy Bombo radyo babaen iti text messages ken iti social media ket indanun dagiti ado a residente ditoy probinsya ti reaksyon da iti daytoy nga isyu.
Para kadagiti residente a napintas ti liderato dagiti opisyal da ti barangay ket uray awan ti maisayangkat nga eleksyon.
Nupay kasta, kadagiti met residente a saan a kontento iti trabaho dagiti opisyal da ti barangay ket nadismaya ken maluksaw iti pannakaitantan ti eleksyon.
