LAOAG CITY – Naruay dagiti residente nga agnanaed iti asideg ti Semeru volcano iti daya a paset ti Java island idiay Indonesia gapu iti panagbettak ti bulkan.
Nagipuswak ti bulkan ti nabengbeng nga asok ken dapa ken uray dagiti residente iti kabangibang a Lumajang district ket naapektaran.
Gapu iti daytoy, agtultuloy ti panangipatakder dagiti otoridad kadagiti evacuation tents tapno adda ti pagaturungan dagiti nagbakwit.
Kabayatanna, awan ti nadadael kadagiti pagtaengan wenno pasdek ken awan met dagiti nairekord a pimmusay iti panagbettak ti bulkan.
Nu pay kasta, naamoan a ti kalsada a mamagkamag iti Lumajang ken iti siudad ti Malang ket nakaro a nadadael.
Ti nasao a panagbettak ti bulkan Semeru ket isu ti maikadua a gundaway ita a tawen.
