LAOAG CITY – Naruay dagiti tattao a nakapungtot gapu iti pannakawaya-waya ti maysa a lalaki a nangrames iti asawa na a nangitunda ti ipapata ti babai idiay India.
Inkalintegan ti korte idiay India a ti panangpwersa ti lalaki iti asawa na a nakinaig kenkuana ket saan a mailabsing iti linteg.
Immuna iti daytoy, winaya-wayaan ti high court judge iti estado ti Chhattisgarh iti central Indian ti agtawen ti 40 a lalaki nga immunan a nakunviktaran idi 2019 gapu iti rape ken unnatural sex iti asawa na a pimmusay kalpasan laeng ti sumagmamano nga oras.
Napaneknekan pay ti lower court a ti lalaki ket guilty iti “culpable homicide not amounting to murder”.
Nasentensyaan ti lalaki iti 10 a tawen a pannakabalud iti kada kaso na ngem idi laeng Lunes ket inbasura amin ni High Court’s Justice Narendra Kumar Vyas dagiti kaso ti nasao nga akusado no sadinno nga inpetteng na a ti India ket saanna a bigbigen ti marital rape.
Gapu iti daytoy, nakapungtot dagiti aktibisita, lawyers ken campaigners isut gapuna a nagpanawagan da a pagbalinen a criminal offense ti marital rape iti India.
