LAOAG CITY – Nagdar-as dagiti agpila ti kandidatura na para opisyal ti Barangay ken Sanguniang Kabataan iti opisina ti Comelec-Laoag iti umuna nga aldaw (Abril 14) ti panagipila ti certificate of Candidacy.
Iti panagturong ti Bombo Radyo, adda da dagiti nakita da a maysa a grupo a a nakauniporme iti pink ken adda da pay dagiti Kapitan ti barangay nga agngudo ti termino nan ngem kinuyog da dagiti manuken ken suportaran da.
Maysa ditoy ni Kapitan Lorenzo Factora iti Brgy. 5 a kinuyog na ti baket a paidasig a kapitan ti barangay.
Impanakkel ni Factora ti asawa na gapu ta Presidente ti Barangay Health Workers ti ciudad ti Laoag ken nagsasaritaan da iti konseho a daytoy ti agpaidasig.
Kasta met ken ni Barangay Chairman Alex Medina iti Brgy. 22 nga agngudo ti termino na a kinoyog na dagiti kumpleto a line-up ti grupo da.
Uray dagiti paidasig nga SK kagawad ket nagduduma ti estorya da no apay a kalikagum da ti paidasig.
Kas ken ni Dionaifa Defundado iti Brgy. 1 ti ciudad ti laoag damo na ti kumandidato para SK kagawad.
Kuna na a ginutigot dagiti nagannak na a kumandidato tapno makatulong kadagiti pada na nga agtutubo.
Saan met a problema ti panagbasa na no kas bilang ta mapagasatan gapu ta “time management” laeng ti kasapulan.
Segun met ken ni Match Paulino iti Brgy. 22 ti ciudad ti Laoag, dakkel a naggutigot kenkuana ti lolong na a dati a kapitan ti barangay ken saan a parikot ti panagbsa na gapu ta kaya na a pagsabayen.
