LAOAG CITY – Naruay dagiti umili ditoy probinsya ti nanggundaway iti naudi nga aldaw ti Voter’s registration ita a domingo, Agosto 10.
Immunan nga inrakurak ni Atty. Joel Gines, Provincial Election Officer nga umaboten iti 80 a ribo dagiti baro a registered voters iti intero a rehiyon uno agingga idi Agosto 8.
Segun kenni Gines a nasdaaw da iti kinaado dagiti nagrehistron ken saanda a ninamnama daytoy.
Naamoan a target ti ahensya ti makairekord ti 100 a ribo a baro a registered voters iti rehiyon uno.
Patien ni Gines a ti kaado dagiti napan nagparehistro ket gapu iti epekto ti satellite registration gapu ta naiyasideg daytoy iti publiko.
Maipalagip a nangrugi ti voter’s registration idi Agosto uno ken nagngudo daytoy ita nga aldaw, Agosto 10.
Mainaig iti daytoy, umabot metten ti 1.4 milyon dagiti nakapagparehistro iti intero a pagilyan, naaratapan nan ti target a 1 milyon.
