LAOAG CITY – Inlawlawag ni Barangay Chairwoman Teresita Sucab iti Barangay 2 iti ili ti Vintar a ti kinaawan ti karpintero wenno agubra iti kanal ti rason no apay a na-stock dagiti ado a bags ti semento.
Segun kenni Sucab, dagiti semento ket inpaay dagiti sumagmamano a pulitiko iti ili ti Vintar ken mausar para iti pannakaaramid ti kanal iti barangay da.
Ummuna iti daytoy, adda ti naawat a reklamo ti Bombo Radyo Laoag a sumagmamano kadagiti nasurok 200 a bags ti semento ket saanen a mausar gapo ta timmaken.
Rumrumuar pay nga adda dagiti sumagmamano a residente a kayat da nga usaren pay laeng dagiti semento tapno saan a maperdi ken sukatan dan to intono masapolen dagtoy ngem rumrumuar nga iparit ti kapitan.
Mainaig iti daytoy, inpasigurado met ti kapitan nga iti sumaruno a lawas ket mausaren dagiti semento gapo ta addan dagiti karpintero a makasango para iti pannakatarimaan ti kanal.
