LAOAG CITY – Rumrummuar iti panagadal ti Columbia University’s Mailman School of Public Health and the Butler Columbia Aging Center, naduktalan ti older biological age kadagiti nasapa a nabalo wenno natayan ti asawa.
Ti biological aging ket ti panagbaba ti gagar ti maysa a cell, tissue wenno organ ti tao a mabalin a mangitunda ti chronic disease wenno mortality.
Agus-usar dagiti agsuksukisok ti DNA markers a maaw-awagan ti epigenetic clocks no sadinno a makita ditoy ti biological age ti maysa a tao.
Napaneknekan pay ti koneksion ti mapukawan ti ay-ayaten iti biag iti salun-at ti maysa nga indibidual.
