LAOAG CITY – Inpetteng ti maysa nga advocacy group ti kinapateg ti nasayaat a nutrision iti alisto a panagimbag dagiti pasiente.
Ilunglungalong ni Alvin Manalansan, maysa nga health and nutrition fellow iti Stratbase Institute ti pannakaipatungpal ti Nutrition Care Process iti Pilipinas tapno mapapigsa ti nasayaat a nutrision iti intero nga health care system ti pagilian.
Inbatad ni Virgith Buena, ti Chairperson ti Board of Nutrition and Dietetics ti Philippine Red Cross, ti napateg a papel dagiti Registered Nutritionist-Dietitians a maaddaan dagiti personalized food plans.
Nagpanawagan met ni Dr. Jose Rodolfo Dimaano Jr. ti Abbott Center for Malnutrition Solutions ti pudno a pannakitinnulong iti sektor dagiti healthcare professionals tapno maipasigurado ti naballigi a panangipatungpal ti Nutrition Care Process.
Inlawlawag ni Dr. Gabrielle Ann Dela Paz-Tolang ti Department of Health Facility Development Bureau a nasken nga ibilang ni Nutrition Care Process kas maysa nga investment tapno makissayan ti admission time ken dagiti gastos iti ospital dagiti pasiente.
