LAOAG CITY – Inbalakad ni Mrs. Janet Duarte, mangidadaulo iti DILG Office ditoy siudad ti Laoag a nasken a mangilungalong ti Sangguniang Panlungsod ti gakat seknan iti pannakabigbig dagiti maibilang a terminal ti tricycle ditoy siudad ti Laoag.
Daytoy ket mainaig iti napagsasaritaan iti naiwayat a taripnong dagiti pannakabagi ti City Task Force, ken Validation Team mainaig ti road clearing.
Inlawlawag ni Duarte a saan a maapektaran dagiti lokasyon dagiti naideklara a tricycle terminal ditoy siudad.
Kuna na a saan a maliklikan iti kaadda dagiti terminal ti tricycle ngem masapul a ti lugar da ket saan a makaapektar iti trapiko.
Inbatad ni Duarte a nasken a mangkita ti lokal a gobyerno ti kalsada a maaramat a tricycle terminal ken adayo kadagiti adu a lugan nga agdaldalyasat.
Innayon na a saan a mabalin a maiyestablisar ti terminal ti tricycle iti national road ngem ketdi mabalin iti City Road ken Provincial Road.
