LAOAG CITY – Inbatad ni Doctor Allan a masapol nga adalen a naimbag dagiti agpanpanday linteg ti pannakapagbalin a legal ti panagusar ti marijuana ditoy pagilyan sakbay ti naan-anay a panangaprubar da.
Reaksyon daytoy ni Taylan kalpasan a nakalusuten iti House committee on health iti kamara de representantes ti lungalong a mapagbalin a legal ti medical marijuana.
Iti interview ti Bombo Radyo Laoag ken ni Doctor Taylan, kuna na a masapol a kitaen a naimbag dagiti maseknan no pagsayaatan wenno saan.
Kuna pay ni Taylan a masapol nga ikonsiderar pay dagiti maseknan nga agpanpanday linteg no rumbeng nga ipasa ti nasao a gakat ita a kabara ti kampanya ti gobierno a giyera kontra dorga.
Mainaig ti daytoy, inpetteng ti nasao a doctor nga awan pay ti makapaneknek no pudno a makaagas ti nagduduma a sakit ti marijuana isut gapu a saan a rumbeng nga agdarasudos dagiti maseknan nga agpanpanday linteg a mangipasa ti nasao a gakat.
