LAOAG CITY – Linawlawagan ni Police Major Julius Basallo, ti chief of police ti PNP-Pasuquin ti ummunan a rimuar a report seknan iti panagpasar ti sugat ti maysa a menor de edad gapo iti maipagarop a boga iti Barangay Davila.
Segun kenni Basallo, iti panagimbestigar da ket aksidente a natibab ti menor de edad babaen iti boga ngem saan a pimmutok.
Kunana a pudno nga adda ti boga nga iggem ti menor de edad ken inikkat na ti denatured alcohol ken idi kinulog na ket nagtataray dagiti pada na nga ubbing rason a natibab ti rupa na babaen iti boga a rason ti nakasugatan ti ngiwat na.
Mainaig iti daytoy, inadmitir met ni Barangay Chairman Elvrio Agoo iti nasao a barangay a kamali ti impormasyon a dimmanon kenkuana.
