LAOAG CITY – Nakita dagiti 128 a Chinese vessels iti bisinidad ti okupado a features ti Pilipinas iti West Philippine Sea iti napalabas a lawas.
Adda ti 14 a China Coast Guard vessels ti namonitor, innem a People’s Liberation Army Navy vessels ken 108 a Chinese maritime militia vessels ti nakita iti Philippine Sea manipod idi Mayo 14 agingga 20.
Basar iti Philippine Navy nga adda ti uppat a China Coast Guard vessels ken 25 Chinese maritime militia vessels ti nakita iti Ayungin shoal idinto a maysa a China Coast Guard vessel, dua a PLAN vessels ken 27 a Chinese maritime militia vessels ti nakita iti Pag-asa island.
Malaksid iti daytoy, adda pay ti nakita a Chinese maritime militia vessels kadagiti dadduma pay a maritime features kas ti Kota Island, Likas Island, Lawak Island, Panata Island ken Patag Island idinto nga awan met ti nakita iti Parola island.
Immuna iti daytoy, naobserbaran met ti panagngato ti bilang dagiti Chinese vessel iti kangitingitan ti civilian mission iti Bajo de Masinloc.
Inrakurak ti Philippine Navy a ngimmato ti presensia ti Chinese coast guard ken maritime militia vessels kangrunaanna iti Bajo de Masinloc iti kapada a period idi naisayangkat ti civilian mission nga inorganisar ti Atin Ito Coalition.
Basar iti datos a nairuar idi kalman, adda ti 9 a China Coast Guard vessels, uppat a People’s Liberation Army Navy vessels ken 42 Chinese maritime militia vessels ti nakita iti traditional fishing ground manipod idi Mayo 14 agingga 20.
Nangatngato daytoy no idasig iti nairekord a bilang dagiti Chinese vessel idi Mayo 7 agingga 13.
