LAOAG CITY – Isango ita a malem ti Northern Luzon Command ti Armed Forces of the Philippines (AFP) a nakabase idiay Camp Aquino, Tarlac City dagiti 125 a rebel returnee iti Dept. of Interior and Local Gov’t. (DILG) Ken dept. of Nat’l Defense (DND).
Segun ken ni Maj. Erickson Bolusan, Spokesman ti nasao a komandansiya, daytoy ket tapno awatendan ti tulong nga inkari kadakuada ti gobyerno babaen ti Enhance Comprehensive Local Integration Program.
Kuna na a ti nasao a programa ket nagtitinulungan nga intuyang ti gobyerno babaen ti Task Force balik Loob ken dagiti Local Gov’t Unit (LGU) dagiti lugar a naggapuan dagiti rebel returnee.
Inlawlawag ni Bolusan a naminsan a nakisarsarita kadagiti returnee ket saan da latta a maliklikan a lagipen ti took ken rigat a sinagaba da bayat ti kaadda da iti bantay.
Innayon ti opisyal a naggapu dagiti nasao a rebel returnee manipud kadagiti nagduduma a probinsiya iti Region 1, 2, 3 ken Cordillera a no sadinno a 18 kadagitoy ket amazona ken menor de edad.
