LAOAG CITY – Umaboten iti 1,000 a suldalo ti North Korea ti pimmusay ken nasugsugatan kalapasan ti pannakikappeng da iti Russia tapno makipaglaban iti Ukraine.
Segun iti Joint Chief of Staff ti South Korea, daytoy ti nakalap da nga impormasyon sipud idi nagipatulod ti North Korea kadagiti suldado iti Russia.
Mainiag iti daytoy, adda pay ti nasurok sangaribu a sulodado a nakadestino kadagiti borders ti Ukraine ken Russia.
Iti baet daytoy, plano ti North Korea a nayunan pay dagioti ipatulod da a suldado iti Russia.
Maipalagip nga immunan nga inlibak ti North Korea a nagitpatulod da kadagiti suldado iti Russia ngem sumagmamano nga aldaw inadmitirda nga adda sumagmamano a simmabak iti giyera.
Imun-una ngem iti daytoy, naalarma ti international community ti panagbinnulig ti dua a pagilyan gapu ta patien da a dagiti aktibidad da ket agsalsalungasing iti international law.
