LAOAG CITY – Agtultuloy ti imbestigasyon dagiti otoridad seknan ti pannakatakaw dagiti agkakabalor nga alahas ti maysa a babai iti mismo nga apartment na iti Barangay 54-B, Camanggaan ditoy ciudad ti Laoag.
Nabigbig ti biktima a ni Irene Rose Gaco y Blasi, agtawen ti 33, awanan ti asawa, taga Zamboanga City ngem agdama nga agnanaed ti nasao a barangay.
Inlawlawag na nga idi Abril 20 ita a tawen ket napan da nagbakasyon idiay Zamboanga City kadwa na ti ama na ket inbati na ti tulbek ti apartment na iti step-father na.
Nupay kasta, rumrumuar nga idi mayo 4 ket naripar ti step-father na a silulukat ti kwarto ti biktima ken awanen dagiti napapateg a kagamitan na kas kadagiti agkakabalor nga alahas na.
Naamoan nga umab-abot ti 127, 700 a pisos amin ti balor dagiti napukaw nga alahas ni Gaco ken adda pay ti 2, 400 a cash.
Iti inisyal nga imbestigasyon dagiti otoridad, awan ti nakita da a pagilasinan a napwersa a nalukatan ti kwarto ti nasao a biktima.
