LAOAG CITY – Nagsakit ti nasurok 140 a tattao idinto a maysa ti natay gapu iti pannakasabidong ti grilled eel a maysa a nalatak a delicacy iti panawen ti kalgaw idiay Japan.
Nagpadispensar ni Shinji Kaneko ti Keikyu Department Store idiay Yokohama kalpasan a nagsagaba iti panagisbo ken panagrugit dagiti kustomer a gimmatang iti napalabas a lawas kadagiti lunch box a naglaon iti eel.
Rumrummuar a maysa kadagiti kustomer a naipadamag a maysa a babai nga agtawen iti 90 ti natay.
Karaman kadagiti produkto ti eel a naluto iti tradisional nga estilo ti “kabayaki,” skewered, grilled ken basted iti nasam-it, napigket a naglaok a soy sauce ken mirin rice wine.
Naammoan a ti eel ket nangnangruna a nalatak iti Asya no sadinno dagiti tedda a masarakan kadagiti tanem dagiti Hapones.
Naduktalan ti imbestigasion dagiti opisial ti salun-at ti maysa a kita ti bakteria a maawagan iti staphylococcus aureus kadagiti produkto.
Kabayatanna, ti restawran a nakabase idiay Tokyo nga Isesada a mangimatmaton iti stand iti uneg ti Keikyu Department Store ti responsable iti panagluto ken direkta a panaglako kadagiti produkto ti eel.
