LAOAG CITY – Napasamak manen ti kaudian a gingined a nagpigsa iti 5.6 magnitude iti volcano area agarup alas 4 itay parbangon idiay Big Island, Hawaii.
Segun ken ni Bombo International Correspondent Manny Pascua, saan a nangparnuay iti aniaman a tsunami alert ti nasao a ginginned basar iti U.S. Geological Survey (USGS)
Nupay kasta kuna na a nasurok a 150 a balbalay ti dinalapos ti lava pakairamanan ti balay ni Mayor Harry Kim.
Kuna na nga idi aldaw ti sabado nakarikna da iti 5.5 magnitude a kapigsa ti ginginned a nmagcentro iti asideg ti wangawangan ti kilauea volcano.
Inlawlawag ni Pascua a ti kaudian a panagayos ti lava, nagresulta ti pannakadadael manen dagiti kalsada, pasdek ken linya ti danum iti Hawaii Volcano Naational Park.
Kabayatan na, umabuten ti 9,900 ti bilang ti gingined a napasamak idiay Big Island, Hawaii sipud nangrugi ti panagputok ti Kilauea Volcano idi Mayo 4 iti daytoy a tawen.
Kuna na a ti nasao a bilang ti nairecord a panagdayyeg babaen ti U.S. Geological Survey (USGS), ti paaya laeng kapigsaan ket ti nairecord a 6.5 magnitude.
Kuna na pay nga idi Sabado ti kaadwan a nairecord a a ginginned nga immabot ti 500 a panagdayyeg.
Nupay no kasta, awan dagiti naiyetnag a tsunami alert iti laksid iti agtultuloy panagdayyeg na.
Agtulutloy met ti naiget a panagmonitor dagiti otoridad iti posible a kaadda pay laeng dagiti tattao a natangken ti ulo na a mangtalaw kadagiti npagtaengan da.
Maipalagip nga immunan a naimandar ti “force evacuation” kadagiti agindeg iti asideg ti volcano.