LAOAG CITY – Winayawayaanen ti Bureau of Corrections dagiti 174 a Person Deprived of Liberty.
Segun ken ni Bureau of Corrections Director General Gregorio Catapang Jr. ti nasao a bilang dagiti nawayawayaan a balud ket kas paset pay laeng ti nasurok maysa a ribu a balud a winayawayaan ti nasao nga ahensia a nangrugi idi Abril 1 agingga Mayo 10.
Daytoy ket maysa pay kadagiti wagas tapno naan-anay a ma-decongest wenno lumawa dagiti pagbaludan ditoy pagilian.
Naisayangkat ti nasao a programa nga addaan ti tema a ‘Madilim Man Ang Kahapon, Pag-asa’y Muling Aahon Sa Repormasyong Napapanahon.’
Naiyuswat mismo daytoy iti headquarters ti New Bilibid Prison and Reservation iti siudad ti Muntinlupa.
Indauluan ti nasao nga aktibidad ni Bureau of Corrections Director General Gregorio Catapang Jr. ken nangipaay daytoy ti mensahe ti panagyaman ken ni Presidente Ferdinand Bongbong Marcos Jr. pakairamanan ni Department of Justice Secretary Jesus Crispin Remulla.
