LAOAG CITY – Umabot iti nasurok 1,800 ti nakipagpartisipar iti AGRIDAM weno Agent for Risk and Damage Management Training of Trainers Program a naangay iti Centennial Arena ditoy ciudad ti Laoag iti babaen ti Office of the Presidential Assistant For Northern Luzon.
Segun ken ni Asst. Sec. Ana Carmela Remigio, addaan ti intero a pagilyan ti 45 a workshop no sadinno a 15 workshops ti naangay ditoy Northern Luzon.
Gagem ti Office of the Presidential Assistant for Northern Luzon (OPANL) nga papigsaen ti emergency response iti Northern Region iti babaen ti pannakibinnulig da kadagiti nagdudua nga ahensya ti gobierno ken local government units (LGUs).
Inlawlawagna a ti AGRIDAM weno Agent for Risk and Damage Management)Training of Trainers Program ket imatmatunan ti Office of the Presidential Assistant for Northern Luzon, ken pinondoan ti House of Representatives, idinto a maisaysayangkat daytoy iti babaen ti Office of Civil Defense.
Malaksid iti daytoy, inpakaammu na a ti programa ket mangtaming pay iti panagkasapulan kadagiti skilled trainers babaen ti panangikabil kadagiti opisial ti barangay kadagiti lugar a nalaka a maapektaran iti didigra iti intero nga Ilocos Region, Cagayan Region, ken Cordillera Administrative Region.
Babaen ti panangpasayaat ti kapasidad dagiti lokal a lider, ti AGRIDAM ket mangted ti bileg kadagiti komunidad a mangadaptar kadagiti sustainable disaster risk reduction practices, a mangipasigurado ti resilience iti grassroots level.
Daytoy a wagas ket maitunos kadagiti panggep ti national development ken ipaganetgetna a ti panagkumit ti agdama nga administrasion ket maliklikan ti nakaro nga epekto dagiti didigra a sumangbay.
Maipalagip a maysa ti probinsya kadagiti makapaspasar ti naruay a didigra kas iti bagyo isu a patien ni Remigio a makatulong ti AGRIDAM wenno Agent for Risk and Damage Management Training of Trainers Program tapno ad-adda pay a masanay dagiti frontliners ken first responders a maiyataday iti 2023-2028 Philippine Development Plan ni Presidente Ferdinand R. Marcos Jr.
