LAOAG CITY – Nasurok a dua a million a pisos pay laeng dagiti nadadadael a mula kadagiti pagtatalunan nangnangruna iti pagay ditoy Ilocos Norte.
Daytoy ti inbatad ni Mr. Marcel Tabije iti Prov’l Resiliency Office iti Kapitolyo Probinsiyal.
Segun ken ni Tabije, ti nasao a gatad ket manipud pay laeng ditoy ciudad ti Laoag ken iti ili ti Paoay.
Kuna na a gapu iti daytoy ket manamnama a manayunan pay bayat nga iyur-uray da dagiti sabsabali pay a report manipud kadagiti dadduma nga ili.
Inlawlawag na a malaksid iti nasao a kantidad ket adda da pay report mainaig iti naperperdi nga infrastructure project kas iti ili ti Dingras, Pasuquin ken Vintar
Adda met ti naireport a partial a nadadael a balay iti paset ti Bgy. Mabusag Sur iti ili ti badoc.
Innayon ni Tabije nga aniaman dagiti maipadanon a nadaddadael gapu ken ni habagat ket amirisen da no ania dagiti mabalin a maipaay a tulong kadagitoy kas koma kadagiti nadadael a mula a no kasapulan da ti bukel ket ited da.
