(Update) LAOAG CITY – Nakasublin dagiti agarup 26 a pamilya a naibakwit manipud kadagiti balay da iti Bgy. Caruan iti ili ti Pasuquin ken naitunda da iti Caruan Elem. School ti nasao met la nga ili.
Kinumpirmaran daytoy ni Bgy. Chairman George Ragonjan ti nasao a barangay.
Segun ken ni Ragonjan, itay bigat a nagsublin dagiti kabaranggayan na kalpasan a simmaayat ti panawen iti lugar.
Kuna na nga awan met dagiti nagbalin a parikot dagiti naibakwit a kabarangayan na bayat ti kaadda da iti evacuation centers agingga a nagsubli da kadagiti balayda.
Kabayatan na, awan ti monitor ni Ragonjan no natuloy ti pannakaideklara ti barangay da nga under ti “state of calamity”..
Innayon na a saan na met nga amo no inton kaano a matarimaan ti naperdi a “sea Wall” ti barangayda gapu iti kaawan pay pundo nga aramatenda.
Nupay kasta, mangnamnama ti Kapitan ta sapay ta agkalman ti sitwasyon ti probinsiya nga Ilocos Norte tapno agkalma met ti rikna dagiti kabarangayan da.
Immun-unan ngem iti daytoy, plano nga ideklara ti Konseho ti ili a Pasuquin nga under “state of calamity” ti nasao a barangay gapu iti agdam a sitwasyon ti “sea wall”
