LAOAG CITY – Inpasingked ni Bombo International News Correspondent Shirlene Praveen manipod Kerala, India a nasurok 200 a kaso ti covid-19 ti maimalmaldit iti nasao a pagilyan iti kada aldaw.
Kuna na a gapu iti daytoy ket arig a marigatanen dagiti ospital gapu iti mapmapno a pasilidad.
Nu pay kasta, kuna na nga iti laksid ti ngumatngato a bilang ti kaso ket bassit dagiti nairekord a pimmusay.
Innayun na nga iti agdama ket nagtalinaed a nakalockdown ti Kerala ken naiget ti panangmonitor dagiti otoridad kadagiti nagduduma a pagalagadan kontra iti covid-19.
