LAOAG CITY – Nairekord ti 203 a nakarekobre manipud ti panagpositibo da iti COVID-19 idinto a 10 dagiti nairekord a pimmusay ditoy probinsya.
Iti datos ti gobyerno probinsyal, umabot ti 15,959 ti pakadagupan a kaso ti COVID-19 nga addaan ti 2,820 nga aktibo a kaso, 12,913 recoveries ken 226 dagiti pimmusay.
Manipud kadagiti recoveries, 56 dagiti nakarekobre ditoy siudad ti Laoag, 25 iti il iti Vintar, 19 iti Badoc, agpada a 18 iti Solsona ken Bangui, 13 iti Marcos, 12 iti San Nicolas, agpada a siyam iti Bacarra, ken iti siudad ti Batac, agpada nga innem iti Pasuquin ken Pagudpud, lima iti Paoay, sagdudua iti Dingras ken Sarrat, ken saggaysa iti Piddig, Dumalneg ken Currimao.
Iti bilang dagiti pimmusay, sagtatallo ditoy siudad ti Laoag ken iti siudad ti Batac, dua iti Paoay ken saggaysa iti Pinili ken Dingras.
Umabot ti 162 ti baro a kaso ti COVID-19 no sadinno nga 40 ti baro a kaso ditoy siudad, 20 iti ili ti Bangui, 18 iti siudad ti Batac, 13 iti Pasuquin, 10 iti Dingras, siyam iti Pinili, agpada a walo iti Vintar ken Pagudpud, pito iti San Nicolas, agpada nga innem iti Paoay ken Sarrat, agpada met a lima ti baro a kaso iti Piddig ken Bacarra, uppat iti Banna, ken saggaysa iti Solsona, Marcos, Currimao, Badoc, ken Burgos.
Bimmaban ti bilang dagiti aktibo a kaso ditoy siudad nga addaan laengen iti 744 nga aktibo a kaso manipud ti pannakaimaldit na a nasurok 1,000 ti aktibo a kaso.
