LAOAG CITY – Nauram ti agarup 600 nga acres wenno katukad ti 243 nga ektarya iti bakante a lote gapu ti wildfire iti Paia Area, Maui, Hawaii.
Segun kenni Bombo International Correspondent Manny Pascua, nagbakwit dagiti sumagmamano a residente ken awan ti naimaldit a nasugatan a tattao wenno nauram nga istraktura iti nasao a lugar.
Inbatad na a inrekep dagiti otoridad manipud iti Maui County dagiti sumagmamano a kalsada gapu ti uram.
Saan pay nga ammo dagiti kameng ti Maui Fire Department ti namunganayan ti uram ken agtultuloy ti panagimbestigar da.
