LAOAG CITY – Immabot iti 67 a returning residents ditoy probinsya ti nairekord iti Ilocos Norte-Ilocos Sur border checkpoint.
Daytoy ti inpakaammo ni Police Captain Joseph Tayaban, hepe ti PNP Badoc.
Kuna na a manipud idi Disyembre 1 agingga idi kalman ket umabot iti 2,108 dagiti returning residents.
Manipud iti nasao a bilang, 601 kadagitoy ti OFW idinto a ti a bilang ket LSI.
Kabayatanna, inbatad ni Tayaban a nairekord da ti 12,493 dagiti returning resident sipud idi bulan ti Marso agingga idi kalman.
Karaman ditoy ti 3,910 dagiti OFWs, ken 8,583 dagiti LSI.
Kinumpirmaran ni Tayaban nga adda met dagiti sumagmamano a returning resident ti simmangpet itay parbangon ken itay aldaw.
Kabayatanna, inlawlawag ni Tayaban a kapilitan a mapagsubli dagiti APOR a simrek ditoy probinsya iti naggapuan da kalpasan iti 72 nga oras a naited kadakuada.
Nagballaag pay ti hepe kadagiti aggandat nga agipakita ti peke a resulta ti Swab test wenno antigen test nga adda ti maiyannatop a reklamo a sanguen dagitoy.
