LAOAG CITY – Umaboten ti 2,635 acres wenno kaibatugan ti 1,066 nga ektarya ti nauram a kapanagan iti Kaho’olawe island, Maui, Hawaii.
Daytoy ti kaudian a report ni Bombo International Correspondent Manny Pascua iti nasao a lugar.
Kuna na nga agtultuloy ti panangsebseb dagiti kameng ti Maui Fire Department ti uram.
Maipalagip a nangrugi ti uram idi Sabado aldaw idiay Maui a nakaapektaran dagiti sumagmamano nga homeless iti nasao a lugar.
Awan ti masinunuo a makagapu iti uram iti nasao nga isla.
Iti mainaig a damag, naamuan ni Bombo International Correspondent Manny Pascua a maibilang nga island reserve ti Kaho’olawe iti kallabes.
Nagbalin a kontrobersyal ti sila kalpasan a kinontra dagiti native hawaiians ti desisyon a nagbalin a training ground dagiti soldado nga Amerikano.
Segun kenni Pascua, inpaisardeng ti kongresso ti pannakaaramat ti nasao nga isla.
Innayon na a nangilatang ti kongresso iti 400 a milyon a dolyar para iti pannakakali dagiti naimula a bombaiti nasao a lugar.
